Departamenti i Marketingut

Përshkrimi i Departamentit të Marketingut

Departamenti i Marketingut u krijua në vitin akademik 2009-2010 si pjesë e Fakultetit të Biznesit në Universitetin “Aleksandër Moisiu” Durrës. Në përputhje me filozofinë “Studenti në qendër të vëmendjes,” departamenti synon të ofrojë një mjedis të orientuar plotësisht drejt studentit. Çdo proces mësimor, shërbim, aktivitet dhe burim është vënë në dispozicion ekskluzivisht për t’i shërbyer nevojave dhe zhvillimit të studentëve.

Programe Studimi
Departamenti ofron programe të plota studimi në të tre ciklet e studimit:

  • Bachelor
  • Master Profesional dhe Master Shkencor
  • Doktoraturë

Programet e studimit janë të dizajnuara për të ndjekur ndryshimet dinamike të tregut dhe për të përgatitur studentët me aftësi që sigurojnë konkurrueshmëri në tregjet vendase dhe ndërkombëtare. Kurrikulat përfshijnë module dhe tema të përshtatura me nevojat reale të biznesit dhe pritshmëritë e studentëve.

Objektivat dhe Fokusimi
Qëllimi kryesor i departamentit është përgatitja e një elite të re profesionistësh të marketingut dhe menaxhimit, me aftësi dhe njohuri që garantojnë sukses dhe efikasitet. Fokusimi është te:

  • Kombinimi i formimit bazë me profilet e zgjedhura nga studentët për të rritur interesin dhe mundësitë e tyre për punësim.
  • Ofrimi i metodave bashkëkohore të mësimdhënies dhe një kurrikule të integruar.
  • Përgatitja e studentëve për një ekonomi inovative përmes moduleve të orientuara drejt marketingut digjital dhe menaxhimit.

Metoda dhe Procesi Mësimor
Mësimdhënia organizohet në mënyrë interaktive duke përfshirë:

  • Leksione dhe seminare.
  • Prezantime të rasteve të studimit.
  • Analiza dhe diskutime të artikujve të biznesit.
  • Prezantime të videove dhe diskutime të lidhura me temat mësimore.
  • Leksione të hapura me ekspertë nga bota e biznesit dhe institucione të ndryshme.

Tradita dhe Aktivitetet
Departamenti organizon rregullisht leksione të hapura dhe aktivitete kërkimore shkencore për studentët, duke nxitur diskutimet dhe përfshirjen në projekte akademike e sociale. Këto aktivitete ndihmojnë në lidhjen e studentëve me tregun e punës dhe promovimin e inovacionit në ekonomi.

Misioni
Të ofrojë kurrikula bashkëkohore dhe cilësore në fushën e marketingut dhe marketingut digjital, duke përgatitur profesionistë të aftë për të drejtuar sipërmarrje dhe për të kontribuar në zhvillimin e një ekonomie inovative.

Vizioni
Të jetë një departament lider në Shqipëri për cilësinë e kurrikulave, kërkimit shkencor dhe ndikimin pozitiv në tregun e punës. Departamenti synon të formojë studentë që përfaqësojnë një vlerë të shtuar për Fakultetin e Biznesit dhe që kontribuojnë në përmirësimin e konkurrueshmërisë ekonomike me energji dhe ide inovative.

Programet e Studimit

Menaxhim Marketingu

Bachelor

Komunikim dhe Marketing Digjital

Bachelor

Menaxhim Marketingu

Master Profesional

Menaxhim Marketingu

Master Shkencor

Stafi:

Përgjegjës DepartamentiProf.As.Dr. Vaeld Zhezha

Dr. Vaeld Zhezha është lektor në Departamentin e Marketingut në Universitetin “Aleksandër Moisiu”, Durrës që nga viti 2019. Ai zotëron një diplomë nga Akadmia e Studimeve Ekonomike , Bukuresht Rumani (Bachelor në Manaxhim Biznesi, Profili manaxhim projektesh), nga Universiteti U.F.O (Diplomë Postmaster në Shkenca Administrative) dhe Institutit të studimeve Evropiane ,Universiteti i Tiranës (Doktoratë në Fushën e Konkurrences me temë dizertacioni “Politikat e konkurrences ne bashkimin Europian”). Aktualisht ai mban pozicionin e Lektorit me kohe te plote ne  Departamentit të Marketingut në Fakultetin e Biznesit.

Dr. Vaeld Zhezha është autor shumë publikimeve në revista shkencore dhe konferenca rajonale, kombëtare dhe ndërkombëtare, nga të cilët 2 prej tyre me faktor impakti. Të gjitha këto botime dhe referime, kombëtare dhe nderkombëtare, si në: SHBA, Itali, Hungari, Greqi, Rumani, Kroaci, Maqedoni, Mali Zi, Kosovë, etj. Gjithashtu është bashkëautor në disa botime dhe ribotime tekstesh akademike. Mbulon fushat e Marketingu, E Marketingut, Konkurrences, Digital Marketing, Marketing i Avancuar. Publikimet e tij ndër të tjera përfshijnë; Artikuj shkencor – Journal of Educational and Social Research ,Richtmann Publishing(www.richtmann.org) E-ISSN 2240-0524,ISSN 2239-978X. “The Power of Hashtag in the New Era of Social Media Dominance – Study on the Use of Hashtag Trends Among College Students in Albania”. Academic Journal of Interdisciplinary Studies  ,   Vol 12 No 4 July 2023 “Exploring the Landscape of Digital Marketing in Albania: Insights from Local Companies”,  Illyrius International Scientific Review / n. 20 / (I-2023) “Cookies Phenomenon” in the EU – not just small text files”,  SOCIAL STUDIES  Vol. 17, No. 2 (62), 2023 “Përdorimi i rrjeteve sociale në E – Marketing” , “Crowd source. A tool for developing consumer  interaction in EU – digital Market”.

Konferenca internacionale – 29thInternational Social Science Conference , ICSS XXIX, Lisbon

“The impact of digitalization and E-marketing on the labour market after covid-19

pandemic”

25th International Conference on Multidisciplinary Studies “Recent Research and Ideas” ICMS XXV, California USA ,September 2021 “Analysis of the Sars Covid – 19 Pandemic Impact in the Albanian Tourism Sector”

16th International Conference on Social Sciences ICSS XVI – Paris “The Impact of Tourism Development Strategies in the Albanian Economy”

International Conference, Reggio Calabria 2022 Business law, consumer protection and antitrust rules” organizuar nga MIHCR  – Università degli Studi  Mediterranea di Reggio Calabria

“An overview on competition protection an the Albanian market”

International Scientific Conference , UBWE Sofia Bulgaria “Strategic planning and marketing in digital world”A diferent perspective for marketing , case study from Albania. Etc.

LektorProf.As.Elton Noti

Prof.As.Elton Noti  ka mbaruar studimet e larta për “Administrim-Biznes Turistik” në vitin 2002, në Universitetin Publik “Alexandёr”, në Selanik të Greqisë.Në vitin 2007, përfundoi me sukses  Masterin Shkencor  në “Marketing”, pranë Universitetit të Tiranës, Fakulteti i Ekonomisë.Gjatë vitit 2014, merr gradën “Doktor Shkencash” në Universitetin e Tiranës, Fakulteti i Ekonomisë, duke mbrojtur disertacionin  në fushën e teknologjisë së informacionit dhe marketingut turistik.Në vijim të punës së tij kërkimore -shkencore dhe kualifikimit akademik,  gjatë vitit 2016,  merr titullin akademik “Profesor i Asociuar”.

Prof.As.Elton Noti është punësuar me kohë të plotë në Universitetin “Aleksandër Moisiu” gjatë vitit 2015, si lektor në lëndët Strategji Marketingu, Marketing Ndërkombëtar dhe Promocion. Është bashkëautor në librin mësimor “Komunikimi i Integruar Marketing”, botuar gjatë vitit 2017.Që prej muajit Tetor të vitit 2017 mban edhe pozicionin e Zv.Rektorit për Çështjet Mësimore në Universitetin “Aleksandër Moisiu”, Durrës.Që prej vitit 2004, ka qenë i angazhuar në mësimdhënie si lektor me kohë të pjesshme në fushat e marketingut dhe turizmit, në Universitetet e Tiranës, Vlorës etj.Ka një eksperiencë profesionale prej afro 13 vitesh në administratën publike, në fushën e turizmit. Gjatë kësaj kohe, ai ka kontribuar në hartimin e politikave strategjike për zhvillimin e turizmit, kuadrin ligjor, si dhe ka marrë pjesë në disa projekte në bashkëpunim me partnerë kombëtarë dhe ndërkombëtarë si: Organizata Botërore e Turizmit, UNDP, GIZ, OSCE, Këshilli i Europës etj.

LektorProf. Dr. Azeta Tartaraj

Prof. Dr. Azeta Tartaraj është pedagog me kohë të plotë pranë Departamentit të Markeitngut të Fakultetit të Biznesit në Universitetin “Aleksandër Moisiu” Durrës, që nga viti 2008 në lëndët Baza Marketingu, Drejtim Marketingu,, Promocion, Strategji marketingu, Publicitet.

Diplomë e Integruar e Nivelit të Parë (1992) dhe Masterin Shkencor në Universitetin e Tiranës (2006). Doktoraturë pranë UAMD në fushën e Marketingut me Tezë Dizertacioni “Marketingu i territorit dhe kohezioni social”. Në vitin 2014, merr titullin Profesor i Asociuar. Pjesëmarrje aktive në dhjetra Konferenca Shkencore kombëtare dhe ndërkombëtare,  artikuj shkencorë, nga të cilët një pjesë prej tyre me faktor impakti. Mbulon fushat e Baza Marketingu, Drejtim Marketingu,, Promocion, Strategji marketingu, Publicitet.

LektorProf.Assoc.Dr.Blerim Kola

Prof. Assoc. Dr. Blerim Kola është pedagog që nga viti 2008 në Departamentin e Marketingut në Fakultetin e Biznesit, Universiteti “Aleksandër Moisiu” Durrës, ku mbulon lëndë si Marketingu i Sherbimeve, Marketingu Nderkombetar, Marketing i Avancuar, Drejtim Marketing, Baza Marketing, Marketing Turizmi, Marketing i te Mirave Publike, Biznesi Nderkombetar, Politika Çmimi, Turizem i Qendrueshem, Marketing Konsumi, etj.  Ai zotëron titullin Profesor i Asociuar që nga viti 2016 dhe ka mbaruar Ciklin e Tretë të Studimeve të Doktoraturës në Universitetin “Aleksandër Moisiu”, Fakulteti i Biznesit, në fushën e Marketingut me temen “Marketingu i Produkteve Artizanale” . Gjithashtu ka mbaruar Masterin e Nivelit të Dytë të Integruar në profilin Marketing pranë Fakultetit Ekonomik, Universiteti i Tiranës në bashkëpunim me Universitetin e Nenbraskës, SHBA, si edhe DIND ne fushen e Marketingut Mediatik, Departamenti i Gazetarise, Universiteti i Tiranes.

Më pare Prof. Assoc. Dr. Blerim Kola ka kryer një sërë trajnimesh me profil akademik në Budapest dhe Strasburg dhe ka patur edhe një eksperiencë pune pranë BBC (New Media) në Londër.

Fushat e kerkimit shkencor pershijnë Marketingun Nderkombetar, Marketingun e Sherbimeve, Marketingun Digjital.

Prof. Asoc. Dr. Blerim Kola është autor i disa cikle leksionesh dhe shumë publikimeve në revista shkencore nderkombetare si edhe pjesëmarrës në shumë konferenca kombëtare,  rajonale dhe ndërkombëtare

LektorDr.Edlira Llazo

Dr. Edlira Llazo është lektor në Departamentin e Marketingut në Universitetin “Aleksandër Moisiu”, Durrës. Ajo zotëron një diplomë nga Universiteti “F.S Noli (Diplomë e Integruar në Menaxhim) , nga ISSAT (Master i Nivelit të Dytë  “Financë-Kontabilitet) dhe  “Master of Business Administration , Concentration on Finance-Accounting” , në “University of Bussines and International Studies”, Gjenevë dhe Universiteti Bujqësor Tiranë (Doktoratë në Marketing).

Më parë ai/ajo ka mbajtur pozicionin e  Specialistes në Bankën e Kursimeve, Specialistes në Zyrën e Koordinim-Zhvillimit pranë Institucionit të Prefektit, Durrës. 

Dr. Edlira Llazo është autor/autore dhe bashkë-autor i disa teksteve  si Baza Marketing, Drejtim Marketing, dhe Marketing i Avancuar dhe më shumë se 13 publikimeve në revista shkencore ndërkombëtare  ne vende të ndryshme si Itali, Bullgari, Polini,Rumani, Angli,SHBA  dhe më shumë se 15 konferenca rajonale, kombëtare dhe ndërkombëtare.

Publikimet e saj ndër të tjera përfshijnë “Labeling of Agri-food  Products in Albanian Agriculture Context” (2017), “The attitudes of entrepreneurs and managers regarding the information technology in Albanian tourism enterprises” (2016), “Customer Attitudes towards Short Food Supply Chain in Albania” (2014), “Small Scale Farming and Agricultural Product Marketing in Albania” (2013), “The Estimation of the Alternatives that Improve the System of Trade of Agricultural products in Albania”(2013)  Kontabiliteti, Investime, Analizë dhe Vlerësim Biznesi, etj.

LektorDr.Eldian Balla

Dr. Eldian Balla është lektor në Departamentin e Marketingut në Universitetin “Aleksandër Moisiu”, Durrës. Ai zotëron një diplomë nga Universiteti Bujqёsor i Tiranёs (BSc nё Agrobiznes), nga Universiteti i Tiranёs (Master Shkencor nё Marketing) dhe Universiteti  “Aleksandër Moisiu”, Durrës (Doktoratë në Marketing).

Më parë ai ka mbajtur pozicionin e Menaxherit tё Shitjeve dhe Marketingut në Kompaninё EHW Gmbh. Menaxherit tё Shitjeve dhe Marketingut në Kompaninё OPEL-NOSHI. Analist Kredie nё Bankёn ProCredit.

Dr. Eldian Balla është autor dhe bashkë-autor i tekstit Marketingu Metrik dhe Kërkim Marketing; si dhe më shumë se 10 publikimeve në revista shkencore dhe konferenca rajonale, kombëtare dhe ndërkombëtare. Disa nga publikimet janё;

  • HOW DO PRODUCT’S ATTRIBUTES AFFECT CONSUMER BEHAVIOR: AN EMPIRICAL EVIDENCE OF THE BRAND CHOICE (2015).
  • DO CONSUMERS TRUST THE LOCAL BRANDS? EMPIRICAL EVIDENCE FROM ALBANIA (2015)
  • HOW DOES ALBANIAN CONSUMER PERCEIVE FOREIGN PRODUCTS (2013).

CONSUMERS TRUST IN THE GLOBAL BRANDS: EMPIRICAL ANALYSIS IN THE CONTEXT OF CONSUMER PERSPECTIVE (2013).

LektorDr.Violeta Neza

Dr. Violeta NEZA është lektore në Departamentin e Marketingut në Universitetin “Aleksandër Moisiu”, Durrës. Ajo zotëron një diplomë DND nga Fakulteti i Ekonomisë, Universiteti  i Tiranës, nga Universiteti  i Tiranës, Fakulteti i Ekonomisë ( Master  në AP) dhe Universiteti i Tiranës, Fakulteti i Ekonomisë ( Doktoratë në Marketing ).

Më parë ajo ka mbajtur pozicionin e Drejtueses  në Qendrën e Zhvillimit Rezidencial Durrës si dhe K/Degës së Përfitimeve në DRSSH Durrës. 

Dr. NEZA është autore dhe bashkë-autore e më shumë se 22 ( njëzet e dy )  publikimeve në revista shkencore dhe konferenca rajonale, kombëtare dhe ndërkombëtare.

Publikimet e saj ndër të tjera përfshijnë: “The influence of consumer satisfaction on consumer attitudes in the Albanian Insurance Industry – Case Study Tirana, Durrësi”,“The Impact Image Quality and Corporate Branding on Consumer’s satisfaction and consumer’s behaviour : The Role of Brand Equity” ( 2017), “Determinants of Service Quality in Life Insurance Products in Albania: Empirical Study”,“The impact of integrated marketing communication in customer satisfaction in insurance companies in Albania”, “Improving the quality of service through the application of CRM in insurance companies in Albania, increases consumer satisfaction” (2016) “Albanian emigration in Greece, the social consequences of the crisis, especially in their own pensions”, “Email marketing as a form of direct marketing in Albania”, “Insurance marketing and the distribution network in Albanian Market”,  ( 2015 )

LektorDr. Ariola Harizi

Dr. Ariola Harizi, ka përfunduar studimet e larta në fushën e Menaxhimit pranë Fakultetit të Studimeve të Integruara me Praktikën, FASTIP, Universiteti “Aleksandër Moisiu” në vitin 2013. Në vitin 2015, mori Titullin MSc në degën “Menaxhim Ekzekutiv”, pranë Universitetit Luarasi, Fakulteti i Ekonomisë, Tiranë. Në vitin 2017, ndjek Masterin në Menaxhimin Ekzekutiv të Eventeve, në Milano, Itali. Që prej vitit 2021, zotëron titullin Doktor Shkencash, në fushën e Marketingut, në Sllovaki. Eksperienca në mësimdhënie daton që në vitin 2016, si lektore me kohë të pjesshme në fushën e marketingut dhe nga viti 2018 si Lektore me kohë të plotë, pranë, Departatmentit të Marketingut, në Fakultetin e Biznesit, UAMD. Gjithashtu, ka kaluar një eksperiencë pune prej 4 vitesh në administratën publike dhe private, në sektorin e tatim taksave dhe financës. Mbulon fushat e Komunikimit të Integruar Marketing, Baza Marketingu, Dixhital Marketing. Zoteron një numër të lartë trajnimesh dhe specializimesh në fushën e Dixhital Marketing të Certifikuara jashtë vëndit. Pjesëmarrje aktive në shumë Konferenca Shkencore kombëtare dhe ndërkombëtare, projekte vëndase dhe të huaja, botuese e disa artikujve shkencorë me faktorë impakti dhe autore e disa librave me bashkëpuntorë ndërkombëtarë.

LektorDr.Kand.Taulant Kullolli

Dr. Kand. Taulant Kullolli është lektor në Departamentin e Marketingut në Universitetin “Aleksandër Moisiu”, Durrës që nga viti 2015.

Dr. Kand. Taulant Kullolli ka përfunduar studimet Master ne vitin 2014, ne degën Komunikim në Turizën dhe Tregëti Ndërkombëtare, në Fakultetin e Administrim-Biznesit, në Universitetin e Veronës, Itali, ku ka mbaruar edhe studimet e ciklit të parë në vitin 2011 në degën Gjuhë dhe Kulturë për Administrimin e Turizmit. Aktualisht ndjek studimet per marrjen e grades Doktor, pranë Universitetit Aleksandër Moisiu Durrës, me temën me titull “Analiza e teknikave të menaxhimit të cmimit në sektorin e turizmit”. Dr. Kand. Taulant Kullolli ka eksperiencë pune në disa kompani prestigjoze kombetare dhe ndërkombëtare disa vjeçare në fushën e shitjeve (Metro Italia Cash & Carry, Fondazione Arena di Verona, Pascucci Caffè) dhe ka marrë pjesë në disa programe trajnimi në fushën e komunikimit dhe administrimit të ‘corporate governance’ në Itali dhe Gjermani. Njeh në nivel të avancuar gjuhën italiane, angleze, spanjolle dhe në nivel mesatarë gjuhën franceze dhe gjermane.

Dr. Kand. Taulant Kullolli është autor i shumë punimeve shkencore kombëtare dhe ndërkombëtare të listuara në revista prestigjoze me Faktor Impakti dhe në Scopus. Gjithashtu, ai ka marrë pjesë në shumë punime akademike shkencore dhe në konferenca të ndryshme kombëtare dhe ndërkombëtare.

Fushat e tij të ekspertizës përfshijnë marketingun, marketingun digjital, marketingun analitik dhe komunikimin marketing.

LektorDr.(c).Erjonilda Hasrama

Dr. (c) . Erjonilda Hasrama është pedagoge në Departamentin e Marketingut në Universitetin “Aleksandër Moisiu”, Durrës dhe jep lëndë në Sjelljen e Konsumatorit dhe Parimet e Marketingut. Ajo është një mësimdhënëse e besueshme, efektive dhe efikase me ekspertizë të dëshmuar në transferimin e njohurive profesionale te studentët, duke i përgatitur ata në mënyrë konkurruese për arsimimin e mëtejshëm dhe sfidat e jetës në shekullin e 21-të.Erjonilda ka njohuri të thella për të gjitha çështjet e marketingut; dhe një përvojë profesionale në, e-marketing dhe marrëdhëniet me publikun në sektorin privat, organizatat joqeveritare dhe sektorin publik gjithashtu.Erjonilda është aktive në kërkime dhe ka mbi 10 botime në konferenca ndërkombëtare dhe revista akademike në fushat e reklamimit, sjelljes së konsumatorëve dhe e-marketing. Përveç kësaj, ajo është duke ndjekur studimet e saj të doktoraturës me temë: “Rritja e pranimit të OBA përmes reklamave të bazuara në të dhëna: ndikimi i ndërgjegjësimit të përdoruesve në privatësinë online. Implikimi i rastit të Shqipërisë”. Ajo kontribuon plotësisht në Universitet duke marrë role kyçe dhe shërben në grupet e punës të Universitetit ose komitetin organizues të konferencave sipas nevojës. Temat kryesore të interesit: Tendencat dhe mjetet e marketingut dixhital, Strategjitë e komunikimit, analiza e sjelljes së konsumatorit, analitika e marketingut.

Prof. As. Dr. Ervin Myftaraj

Prof. Asoc. Dr. Ervin Myftaraj ka qenë anëtar i fakultetit në Departamentin e Marketingut në Universitetin “Aleksandër Moisiu” të Durrësit që nga viti 2008. Ai ka një diplomë Bachelor në Administrim Biznesi nga Universiteti i Tiranës, një diplomë Master Shkencor në Marketing dhe Menaxhim Operacionesh, dhe një doktoraturë në Marketing. Hulumtimi i tij i doktoraturës shqyrtoi sinergjinë midis marketingut të marrëdhënieve dhe marketingut online në sektorin bankar shqiptar. Ai u vlerësua me titullin akademik Profesor i Asociuar në vitin 2016.

Nga viti 2016 deri në vitin 2024, ai shërbeu si Drejtor i Departamentit të Marketingut, duke mbikëqyrur menaxhimin akademik dhe operacional, koordinimin e fakultetit dhe studentëve, dhe iniciativat strategjike institucionale brenda Fakultetit të Biznesit.

Prof. Myftaraj është autor i mbi 60 punimeve shkencore të paraqitura dhe të botuara në revista dhe konferenca kombëtare dhe ndërkombëtare, përfshirë pesë të indeksuara në Scopus. Interesat e tij kërkimore përfshijnë Menaxhimin e Marketingut, Sjelljen e Konsumatorit, Marketingun Dixhital dhe Marketingun e Marrëdhënieve. Ai ka kontribuar në literaturën akademike si bashkautor i teksteve shkollore dhe materialeve mësimore në nivel universitar.

Ai ka udhëhequr disa nisma akademike dhe institucionale, duke përfshirë themelimin e Konferencës Shkencore të Marketingut të UAMD-së (2017) dhe Konferencës Shkencore të Studentëve të Fakultetit të Biznesit (2010), koordinimin e panairit të parë vjetor të punës (2021), kontributin në konferencën e parë shkencore mbarëuniversitare të UAMD-së (2009) dhe drejtimin e fushatës së parë kombëtare të informimit të shkollave të mesme (2016). Ai gjithashtu koordinoi pjesëmarrjen e parë të studentëve të UAMD-së në një projekt ndërkombëtar studentor, SIFE Albania (2010).

Që nga viti 2008, Prof. Myftaraj ka mbikëqyrur dhe udhëhequr me sukses diplomimin e qindra studentëve në nivelet Bachelor, Master Shkencor, Master Profesional dhe Doktoraturë.

sqAlbanian
en_USEnglish sqAlbanian